TESTUINGURUA

Bertan aritzen diren pretsonen adina denetarikoa da, izan ere txiki-txikitatik nagusiak izan arte jarduten dute. Egia da ere, lehen askoz txikiagotik nagusiagoak izatera arte jolasten zutela. Sexuari buruz aritzean, mutil gehiago aurkitzen ditugu batez ere adinean gorantz joatean. Halaber, gero eta neska gehiago ikusten ditugu frontoiaz gozatzen. Esperientzia aldetik, profesional moduan edo ondo moldatzen den jende gutxi dago herrian beraz frontoian gehien ikusten den joko mota esan genezake jolasa litzatekela, “hobby” modukoa.

Frontoial, herrian bertan, oso kokaleku ona dauka, justo elizaren parean; bueno lehen aipatu bezala, elizaren horma bat frontoiaren frontisa da. Hau jakinda, irisgarritasuna oso ona da, kotxez erraz hel zaitezke eta ia frontoi bertara sartu ere. Aparkatzeko ez da arazorik izaten normalean. Alde txarra da justo sartzeko eskileratxo batzuk daudela, beraz, ezintasunen bat daukaten pertsonek zaila edukiko dute.

Frontoia berez, asteburuetan eta arratsalde batzuetan erabiltzen da, eguraldiak horrela uzten badu. Bestalde, elkarrizketan aipatzen den bezala, uztaila-abuztua aldera txapelketaren bat egiten da bertan. Ospakizun horiek herriko jaiekin bat etortzen dira (herri askotan bezala). Frontoian ibiltzea ez dago normalean debekatua baino noizbait, leku handia izanik, herri bazkariak ospatzen dira eta bertan, noski, debekatu egiten da bere erabilera. Aipatu bezala eguraldiaren parte hartzea ikaragarria da frontoi estaligabea dela kontuan edukita. Itzala nagusi den toki batean egoteak ere ez du askorik laguntzen, hezetasunagatik askotan bustita dagoelako.